Никольская сельская модельная библиотека

Ыам ыйын 7 күнүгэр Никольскай нэһилиэгин библиотекатыгар Никольскай алын сүһүөх оскуолатын оҕолоругар анаан «Благодарим за Победу!» диэн олус интэриэһинэй хорсун быһыы урога ыытылынна уонна бэтэрээннэргэ анаан «Песни, опаленные войной» ырыа оонньуута буолан ааста, ону таһынан «9 мая — День Победы!» диэн библиотека фондатыттан таҥыллыбыт кинигэ быыстапката турда.

Кыайыы скверигэр мустан Кыайыыны уһансыбыт буойуттары санаан, кэриэстээн эҕэрдэ тыллар этилиннилэр. Ол курдук Никольскай нэһилиэгин Аҕа баһылыга Уйгу Сайаан Айхан уола уонна алын сүһүөх оскуолатын директора Парников Сандал Иванович эҕэрдэлээн туран «Сэрии оҕото» Ядрихинская Марфа Дмитриевнаҕа махтанан бэлэхтэрин туттардылар.

2-с кылаас уолаттара Никольскай нэһилиэгин олохтооҕо, ырыа-хоһоон айааччы Нератова З.В.-Тупсууна сэрии кыттыылааҕа аҕатыгар Василий Охлопковка анаан суруйбут «Туйгун связист» хоһоонун ааҕан иһитиннэрдилэр, алын кылаас үөрэнээччилэрэ ырыа ыллаан киэргэттилэр.

«Күндүл» НАДЬ үлэһиттэрин көҕүлээһининэн аны хаһан да сэрии буолбатын, өрүү эйэлээх олох эрэ тосхойдун диэн туран «Эйэ, дьол иһин» ырыаны бары күргүөмүнэн ыллаатыбыт, «Саллаат хааһыта» кухняҕа хааһы сиэн, үссэнэн үөрэ-көтө кулууппутугар кэлэн эҕэрдэ кэнсиэри,
«Ол тыйыс кэмнэри умнубаппыт, өйдүүбүт» диэн спектаклы көрдүбүт. Намнааҕы музыка искусствотын эдэр үлэһитэ Нарыйаана Гаврильевна Собакина туруорбут олус үчүгэй, харах уулаах, хараастыылаах спектаклын оҕолорбут олус үчүгэйдик оонньоон көрдөрдүлэр. Көрөөччүлэр бары долгуйан, астынан тарҕастыбыт.

Ол кэннэ библиотека үлэһиттэрэ улахан дьоҥҥо аннаан музыкальнай оонньуу «Песни опаленные войной» ыыттылар.
Киэһэ Бүтүн Арассыыйатааҕы “Өйдөбүнньүк чүмэчи” аахсыйаҕа Никольскай сэлиэнньэтин олохтоохторо кыралыын-улаханныын көхтөөхтүк кытыннылар.