Никольская сельская модельная библиотека

Алтынньы 15 күнүгэр Никольскай нэһилиэгин модельнай библиотекатыгар Учуутал уонна Уһуйаан үлэһиттэрин күнүн бэлиэтээн  Никольскай начальнай оскуола  уонна Веснянка оҕо саадын үлэһиттэригэр  анаан «Путешествие в мир кино» интеллектуальнай оонньуу буолан ааста.

Оонньууну олохтоох библиотека үлэһиттэрэ олус интэриэһинэйдик, көхтөөхтүк ыыттылар. Оонньуу түмүгэр оскуола үлэһиттэрин хамаандата кыайан үөрэн-көтөн түмүктээтилэр. Учууталларбыт, уһуйааччыларбыт күннээҕи түбүктэн астынан, махтанан, сэргэхсийэн өссө да күөн көрсүөх буоллулар.

Күндү учууталларбытын уонна уһуйааччыларбытын идэлээх бырааһынньыккытынан итиитик-истиҥник эҕэрдэлиибит! Эһиги күннэтэ түбүгүрэр сыралаах үлэҕит хас биирдии оҕо, ыччат үүнэн сайдан тахсарыгар, бу орто туруу дойдуга бэйэтин суолун-ииһин булунарыгар төһүү күүс буолара саарбаҕа суох. Күн бүгүн кэнчээри ыччаппыт үүнэн-сайдан тахсарыгар эһиги үлэлээн-хамсаан сыраларгытын уура сылдьаҕыт. Эһиги үрдүк ааккытын чиэскэ-бочуокка тутан киэҥ тутта ааттыыбыт. Сүрэххит уонна дууһаҕыт сылааһын оҕоҕо аныыр, кэнчээри ыччаппыт оҕо сааһын аргыһа буолар дьоллоох дьоҥҥут. Эһиэхэ кытаанах доруобуйаны, энчирээбэт эрэли, үксүү турар үөрүүнү, тосхойо турар дьолу баҕарабыт. Халлааҥҥыт өрүү ыраас буоллун, күҥҥүт сыдьаайа тыктын!