Никольская сельская модельная библиотека

«ҮҮТЭЭН КЭПСЭЭННЭРЭ». Андрей Яковлев – Чуос.

Кинигэҕэ автор саха эр дьонун булка сырыыларын туһунан умсулҕаннаах кэпсээннэрэ, эдэр булчукка анаабыт сүбэлэрэ-амалара түмүллэн киирдилэр.

“ТЫАЛЛЫЫН КЭПСЭТИИ : ахтыылар, эсселэр, кэпсээннэр, ыстатыйалар”. Н. Харлампьева.

«КИМИЭХЭ ДА ЭТИМЭ…». Сардаана Корякина

Дьиҥнээх буолбукка олоҕурбут айымньы. Бу кинигэ тахсарын хаста да бобон турардаахтар. Тоҕо диэтэххэ бу айымньыга цензураны ааспат ыар сидьиҥ быһыы ойууланар.

Орто саастаах дьахтар оҕо эрдэҕиттэн ыарахан олоҕун, төһө да ол кэм ааспыта ырааппытын иһин, ыар сүгэһэртэн кута-сүрэ уоскуйбатын, ааспыт олоҕун аһыы амтана, түүлүгэр баттатан, өссө да куолайыгар биллэрин туһунан аһаҕастык кэпсиир, өр сылларга кистии сылдьыбыт олоҕун саамай улахан кистэлэҥин арыйар. Бу айымньы ийэлэргэ, дьоҥҥо-сэргэҕэ «оҕолоргутун харыстааҥ, чугас дьоҥҥутугар, оҕолоргутугар болҕомтолоох буолуҥ» диэн сэрэтэр, харыстыыр санаалаах күн сирин көрдө.

“ДЬЫЛҔА ОҤОҺУУТА”  Гавриил Адамов-Сайдам

Ромаҥҥа 50-60-с сыллардааҕы тыа ыччатын олоҕо ойууланар. Огдообо ийэ бэйэтин олоҕун оҥосто сатаан, эбэлээх эһэтигэр иитил либит уол судургута суох дьылҕата көстөр. Олус үлэһит, талааннаах, ыччат лидерэ уол ыарахан ыарыыга ылларан олоҕо тосту уларыйар. Таптыыр, олоххо талаһар бырааптаах дуо, аны? Кинини киһи диир кыыс, ама, баар дуо? Биитэр ол аһынар эрэ санаа дуу?.. Эдэр оҕо муунтуйуута, ырааҕы-чугаһы ырыҥалаан көрүүтэ, олоххо сыһыанын уларыйыыта, туһалаах буоларга, дьолго тиксэргэ дьүккүөрэ — бу барыта ааҕааччыны уйадытар, дириҥ толкуйга киллэрэр уонна угуйар.

“ТУМАРЫККА МУММУТ ТАПТАЛ : сибиэннээх кэпсээннэр”.

Хомуурунньукка араас көлүөнэ ааҕааччы ахсаабат интериэһин тардар үһүйээннэргэ олоҕурбут, урут бэчээккээ тахсыбыт айымньылар кирдилэр. Николай Заболоцкая «Мааппата», Константин Эверстов «Туман буолбут таптала» уонна Михаил Ефимов «Өлүгүн таптала» ааттара даҕаны этэрин курдук, олох олус кыһарҕаннаах түгэннэригэр, тыйыс дьылҕаҕа, хара дьайга бэриммэт таптал күүһүн хоһуйар, уруйдуур уратылаахтар.

“НЬЫРБАКААН” Д. Пономарев — Дьолуолаах.

Арамааҥҥа Саха сиригэр нууччалар кэлиэхтэрин иннинээҕи олох, Кыргыс үйэтэ сабардаан турар кэмэ кэпсэнэр. Туматтартан кыргыллыбыт ньырбакааттарбыт дэнэр аҕа ууһуттан чороҥ соҕотох ордон, туос тыыга олорон куоппут кыыс оҕо дьылҕата ойууланар.