РС (Якутия), Намский у., с. Никольский, ул. Е.Протопопова, д. 14

Никольская сельская модельная библиотека

Книги — это мудрость, запечатленная в словах, открывающая двери в бескрайний мир знаний.

Добро пожаловать в нашу библиотеку, где каждая страница — это новое приключение, а каждая строка — ключ к пониманию бескрайних граней жизни.

Олунньу 13 күнүгэр “Төрөөбүт тыл уонна сурук-бичик” күнэ

“Төрөөбүт тыл уонна сурук-бичик” күнүн көрсө «Таптыыр сахам тылынан» өрөспүүбүлүкэтээҕи аахсыйаҕа кыттан 3-4 кылаас оҕолоро 10 сорудахтан турар тест толордулар.

Онтон, Никольскайдааҕы алын кылаас оҕолоругар «Саха саҥата… » диэн С. А. Новгородов олоҕун, үлэтин туһунан сырдатыы уруога ыытылынна. Манна оҕолор Семен Данилов “Саха саҥата” диэн хоһоонун ааҕан иһитиннэрдилэр, ыҥырыылаах ыалдьыппыт Үөрэх управлениетын иитии салаатын уонна эбии үөрэҕириитин кылаабынай специалиһа, Нам улууһун “Күн түмсүү” бырайыак салайааччытын О. Е. Васильева кэпсээнин, оонньууларын интэриэһиргээн-болҕойон иһиттилэр, олус сэргээтилэр, ыйытыы да биэрдилэр. “Мин сахабын” диэн саҥа бэчээттэнэн тахсыбыт кинигэ туһунан билиһиннэриини кэрэхсээтилэр.

Никольскайдааҕы сир музейын үлэһиттэрэ Алена Винокурова, Светлана Протопопова саха төрүт оонньууларын ааттарынан олус интэриэһинэй кроссворд оҥорон оонньоттулар. Оҕолор оонньууну интэриэһиргээн, улаханнык астынан туран оонньоотулар, бэйэлэрин үчүгэй билиилэрин көрдөрдүлэр.

Тэрээһини сахабыт төрүт аһынан алаадьынан күндүлээн түмүктээтибит.

Олунньу 14 күнүгэр Никольскайга “Оҕо уонна төрүт тыл” сылынан уонна Сурук-бичик күнүн бэлиэтээн Никольскай нэһилиэгин олохтоохторо   сахалыы таҥнан сэлэлии хаамтылар, үрдүк айыылартан, сирдээҕи иччилэртэн үтүөнү көрдөһөн алгыс сиэрин-туомун толордулар, сахалыы тыыны өрө көтөҕөн оһуокайдаатылар.

Сахалыы таба суруйуу үөрүйэҕин олохсутар, иҥэрэр сыаллаах «Сахалыы дьыктаан» аахсыйаҕа кыттан дьыктаан суруйдулар.