Никольская сельская модельная библиотека

Ыам ыйын 26 күнүгэр Никольскай нэһилиэгэр «Оҕо ыһыаҕа-2024» самаан сайын салаллан кэлбитин уруйдуу үөрүүлээх быһыыга- майгыга тэрилиннэ.
Маннык үтүө куҥҥэ, маннык кэрэ кэмнэ мустубут ыалдьыттарбытыгар анаан Никольскай нэһилиэгин уһуйаан уонна оскуола оҕолоро, үлэһиттэрэ уйгу- быйаҥ ыһыаҕынан эҕэрдэлээн ыллам ырыа ыллаатылар, үнкүү үҥкүүлээн кэнсиэр тэрийдилэр. Саха Өрөспүүбүлүкэтин Ил Дархана Айсен Николаев балаҕан ыйын 7 күнүгэр Оһуохай күнүн олохтуур туһунан Ыйаахха илии баттаабыта, ол ыйаахха олоҕуран тэрээһиммит бастакы чааһын түмүгэр бары күргүөмүнэн окумалтан ылсыһан, оһуохайдаан, эһиэкэйдээн дуоһуйдубут.
Ол кэннэ бары бииргэ түһүлгэҕэ төбүрүөннээн олорон, уруҥ тунах ыьыахпыт маанылаах сандылытын амтаннаах сахалыы астарын аһаатылар.
Ыһыахпыт иккис чааһыгар уолан уолаттар, кыталык кыргыттар күен көрсөн күрэхтэстилэр: «Саха талба-мааны таҥаһа», «Сайылык оонньуулара», «Оҕунан ытыы», «Күөрчэх ытыйыы», «Сыал ытыы», «Толбоннурар уһун суһуох», Өркөн-Өй «Тыл хонуута» оҕолорго, төрөппүттэргэ анаан ыытылынныла. Бу күн, хас биирдии дьиэ кэргэн өбүгэтин үгэһин тутуһан сахалыы сиэдэрэй таҥастанан таҥнан- симэнэн кэлбитэ киһини үөрдэр. Оҕолор, төрөппүттэр сахалыы тыыннарын илдьэ сылдьаллара киһини сөргүтэр.