Никольская сельская модельная библиотека

Никольскай  олохтоохторо бэс ыйыгар сэрии буолбутун туһунан ыарахан сураҕы истээт, нэһилиэк эр дьоно хомуллан, саа-саадах тутан төрөөбүт Ийэ дойдуларын көмүскүү аттаммыттара…

Олунньу 28 күнүгэр «Книжный путь Великой Победы» диэн улуустааҕы библиотечнай  марафоҥҥа кыттан Хамаҕатта  нэһилиэгэр 7-с “а” уонна 7-с “б” кылаас оҕолоругар  Никольскай нэһилиэгин ветеран сэбиэтин председателин  Колесова Е. Р. кытта урок ыыттыбыт. Манна: Никольскай нэһилиэгин сэрии уонна тыыл ветераннарын туһунан кинигэ быыстапкатын туруоран көрдөрдүбүт, Екатерина Романовна Никольскай нэһилиэгиттэн Ийэ дойдуларын көмүскүү аттаммыт буойуннар туһунан иһитиннэрии оҥордо, “Связист кыргыттар”  В.М. Азарова, М.С. Молчанова тустарынан кэпсээтибит. Бүтэһигэр “Песни, опаленные войной…” музыкальнай оонньуу оонньоттубут. Оҕолор олус көхтөөхтүк оонньоон, элбэх эппиэт ылбыт оҕолор сэмэй бэлэх тутан үөрдүлэр, астыннылар. Урокпутун “День Победы” ырыанан түмүктээтибит.