Никольская сельская модельная библиотека

Ахсынньы 6 күнүгэр Никольскай нэһилиэгин   XX   үйэ чулуу сылгыһыта Иван Иннокентьевич Герасимов — Геракл аатынан «Байанай күрэҕэ — 2024”  быйыл иккис төгүлүн олус көхтөөхтүк буолан ааста.  

Күрэххэ үстүү киһилээх биэс хамаанда күөн көрүстүлэр, Никольскайтан «Дьулуур” уонна “Дьөһөгөй” диэн икки хамаанда, Хамаҕаттаттан биир, Модуттан биир уонна Нам улууһун тыатын хаһаайыстыбатын управлениетыттан биир хамаанда буолан күрэхтэстилэр.

 Тэрээһиҥҥэ “Нам улууһун” МТ быһылыгын солбуйааччыта Николаев Филипп Васильевич, Улуустааҕы булчуттар уонна балыксыттар уопсастыбалара председателлэрэ Яковлев Иван Васильевич, Нам улууһун айылҕа харыстабылын инспекциятын инспектора Эверстов Семен Иванович уонна  Никольскай нэһилиэгин МТ баһылыга Уйгу Сайаан Айхан уола эҕэрдэ тылларын уонна ситиһиини,  дьулууру баҕардылар. .

Күрэхтэһии биэс түһүмэҕинэн барда.

Бэйэни билиһиннэрии түһүмэххэ Модут хамаандата үрдук таһаарыылаахтык кыттан көрөөччүлэр уонна дьүүллүүр сүбэни сөхтөрөн, үрдүк баалы ыллылар. Ойбон алларыытын түһүмэҕэр уолаттар сытыы анньыыларынан күүстээхтик түһүннүлэр, бу күрэххэ  Никольскай  “Дьулуур” хамаанда кыайад.  Салгыы Өй күрэҕин тургутууга күөн көрүстүлэр, манна  Никольскай  “Дьулуур” хамаанда үрдүк баалы ылла. Кэлэр түһүмэхх  сыал ытыытыгар Никольскай «Дьулуур” хамаандата  кыайда.  Хас биирдии хамаанда бэйэлэрин бултаабын бултарыттан, Байанайдарын бэлэҕиттэн буһаран, бэлэм блюдо оҥорон аҕалан көрдөрдүлэр, бу түһүмэххэ Модут хамаандата инники күөҥҥэ тахсан тэҥнээҕин булбата.

Хас да чаастаах, тыҥааһыннаах киирсии кэнниттэн Модут нэһилиэгэ үрдүк баалы ылан 1 миэстэ өрөгһйүгэр тахсан үөрүү бөҕөтө буоллулар,        2-с миэстэ Никольскай нэһилиэгэ «Дьулуур» хамаанда таҕыстылар,  3-с бочуоттаах миэстэҕэ Хамаҕатта нэһилиэгин хамаандаталара тигистилэр.

Тэрээһиҥҥэ булчут ыттар экстерьер быыстапкалара ыытылынна. Быыстапкаҕа уопсайа 26 ыт кытынна.

Быыстапка кэмигэр Дьокуускай куораттан кэлбит ыт эксперэ Дмитрий Иванов улуус булчуттарын 4 көрүҥ боруода ыттарын: Илин Сибиир лайка (Восточносибирская лайка), Арҕаа Сибиир лайка ( Западносибирская лайка), Саха ыта (Якутская охотничья лайка) уонна Чуоҕур ыт (Чубарая лайка) сыаналаан кыайыылаахтары быһаарда.
Ол түмүгэр кыайыылаахтарынан буолла Арҕаа Сибиир лайката (Западносибирская лайка) хаһаайын Иннокентий Герасимов Никольскай нэһилиэк, Ыт аата — Ыллык, 5 саастаах.

Эксперт Дмитрий Олегович Иванов быыстапка кыттыылаахтарын барыларын эҕэрдэлээн туран кыайыылаахтарга грамота уонна Иван Иннокентьевич Герасимов — Геракл бииргэ төрөөбүттэрэ туруорбут бириистэрин туттарда, ыттарга мэтээл кэтэртэ.
Бэйэтин анал бэлэҕин STIHL бензопиланы Петр Карлович Парниковка (Саха ыта) туттарда.

Хас сылын аайы нэһилиэккэ ыытыллар “Байанай күрэҕэ” норуокка элбэх интириэһи үөскэттэ, булчуттар чахчы долгуйа кэтэһэр бырааһынньыктарынан буолла.