Никольская сельская модельная библиотека

Ахсынньы 19 күнүгэр Никольскай нэһилиэгэр «Айгы ситимэ» түмсүү салайааччыта Александр Константинович Протодьяконов  ыалдьыттаата. Үс сыл иһигэр хамаандатын кытары 40-тэн тахса уопсастыбыннай сахалыы тыыннаах барыйыакатры оҥорбут.

Александр Константинович АГИКИ преподавателя, «Суруйааччылар алаастарынан» уонна «Урбаанньыттар алаастарынан» маршруттар ааптардара.

«Олох тыына» бырайыак чэрчитинэн култуура, библиотека, түмэл уонна уһуйаан үлэһиттэригэр олус сэргэх, дириҥ ис хоһоонноох, санаа атастаһыылаах кэпсэтиилэр буоллулар.

«Олох тыына» диэн духуобунай эйгэни чинчийэр, сырдатар бырайыак буолар. Духуобунай эйгэ туругун, кыһалҕаларын өйдүүргэ-билэргэ, сахалыы тыыны уһугуннарарга, кыһалҕаларын быһаарарга көмөлөһөр сыаллаах-соруктаах бырайыак».

Духуобунай эйгэбитин хайдах сайыннарыахпытын сөбүн туһунан санааларбытын-көрүүлэрбитин үллэһиннибит,  санаа атастастыбыт, билиҥҥи олоххо хайдах табыгастаахтык, дьоллоохтук олоруохпутун  духуобунай эйгэбит ол эбэтэр, өйбүт-санаабыт,  сиэрбит-майгыбыт, бэйэ-бэйэбитигэр  сыһыаммыт  туһунан кэпсэттибит.

Нам улууһугар «Олох тыына» бырайыак маршрут быһыытынан киирэн эрэриттэн астынныбыт уонна өйүүбүт.

Олох суола диэн

Сэһэнньит Александр Протодьяконов  билиҥҥи кэмҥэ табыгастаах араас ньымалары кэпсээтэ. Түмүгэр,  духуобунай  эйгэбитин  сайыннарар  тосхоллору  кэпсэттибит.

Сарсыарда 10  чаастан  киэһэ  19:00  диэри  бириэмэбит  да тиийбэтэ  дии  санаатыбыт.