Никольская сельская модельная библиотека

Төрүт тыл күнүн нэдиэлэтин чэрчитинэн араас тэрээһиннэр ыытылыннылар.

Нэһилиэкпит алын кылаас оҕолоро “Сурук-бичик” күнүн бэлиэтээн олунньу 12 күнүгэр “Таптыыр сахам тылынан” өрөспүүбүлүкэтээҕи дьыктаан суруйуутугар кытыннылар, ол кэннэ  “Тыл баар бараммат баай” диэн билиһиннэрии уруокка Семен Новгородов олоҕун, айар үлэтин туһунан иһиттилэр, викторинаҕа оонньоотулар.

Төрөөбүт тыл уонна сурук — бичик күнүгэр анаммыт Өрөспүүбүлүкэтээҕи «Сахалыы дьыктаан» олохтоох библиотекаҕа ыытылынна. 2014 сылтан үгэскэ кубулуйбут аахсыйа быйыл 12 төгүлүн үрдүк таһымҥа ыытылынна. Бу акцияҕа Никольскай олохтоохторо сылын ахсын көхтөөх кыттыыны ылаллар. Быйылгы дьыктаан тиэкиһэ Саха норуодунай суруйааччыта Дмитрий Кононович Сивцев — Суорун Омоллоон «Чүөчээски» кэпсээниттэн сэргэх быһа тардыы буолла.

Сахалыы таба уонна сөпкө суруйууга уопсайа 19 киһи кыттыыны ылла.

Олунньу 13 күнүгэр «Төрүт тылбыт — өркөн өйбүт» түөлбэлэр икки ардыларыгар күөн күрэһэ ыытылынна.

Күрэх кыттааччылара үс көрүҥҥэ түөлбэттэн 2-лии киһинэн арахсан кытыннылар:

1кы көрүҥ — «Аман өс» тыл (оратордар) күрэҕэ АКЦга;

2-с көрүҥ- «Саха тыла-Саха тыына» өй күрэҕэ библиотекаҕа;

3-с көрүҥ «Остуол оонньуулара» музейга ыытылыннылар.

Үс көрүҥҥэ үһүөннэригэр 1кы Үрдэллэри ылан «Чараҥ» түөлбэ муҥутуур кыайыылааҕынан таҕыста.

2-с Үрдэли «Эрэл», 3-с Үрдэли «Алгыс» түөлбэлэр ыллылар.

Тэрээһини «Күндүүнэ» үҥкүү бөлөҕө арыйда, ол кэннэ ыҥырыылаах ыалдьыттарбыт улуустааҕы Олоҥхо дьиэтин үлэһиттэрэ сүгүрүйүү тоҕус хамсаныытын оҥотторон арчылаатылар, оһуохайдаан сэргэхситтилэр. Дьүүллүүр сүбэ бэрэссэдээтэлинэн

СӨ норуотун хаһаайыстыбатын, үөрэҕэриитин, культууратын туйгуна Михаил Михайлович Донской сиэрдээх дьүүлүнэн кыайыылаах быһаарылынна.